कोल्हापूर: ‘लायन्स क्लब ऑफ कोल्हापूर’ यांच्यातर्फे पाककला स्पर्धेचा बक्षीस वितरण समारंभ पार पडला.
या वेळी लायन्स क्लबचे उपप्रांतपाल लायन वासुदेव कलगटगी म्हणाले, ‘‘लायन्स क्लब कोल्हापूर’ हा देशातील तिसरा आणि सर्वांत जुना क्लब असून, सातत्याने नवे उपक्रम राबवले जात आहेत. पावसाळ्यातील चटपटीत पदार्थ आणि शाळेच्या डब्याची तयारी यामुळे महिलांमध्ये आनंदाचे वातावरण निर्माण होते. हा एक स्तुत्य उपक्रम आहे.’
‘स्वयंपाक बनविणे ही एक कला असून, या माध्यमातून महिला मोठमोठ्या उद्योजिका होऊ शकतात,’ असे प्रतिपादन परीक्षक मंजिरी कपडेकर यांनी केले.
या वेळी डॉ. एस. आर. पाटील यांनी प्रास्ताविक केले व पाहुण्यांची ओळख करून दिली. जयश्री पाटील यांनी स्वागत केले. राजाराम अतिग्रे यांनी आभार मानले. पी. आर. माळी यांनी सूत्रसंचालन केले.
या कार्यक्रमामध्ये समृद्धी चौगुले यांना प्रथम, श्रद्धा यांना द्वितीय व रोहिणी जाधव यांना तृतीय क्रमांक मिळाला असून, त्यांना ट्रॉफी आणि रोख रकमेसोबत प्रमाणपत्र देण्यात आले. या वेळी लायन मनोहर शर्मा, उमा शर्मा, दीपक मोहोळकर, श्री. देशपांडे, दादा पाटील, संध्या, सरदार मोमीन, दत्ता पाटील, आदी मान्यवर उपस्थित होते.